Rachel Alejandro gives life to Quezon’s wife

Proud ang singer-actress na si Rachel Alejandro na siya ang napiling gumanap bilang Aurora, asawa ng Presidente Manuel L. Quezon sa pelikulang “Quezon’s Game.”

Dream-come true raw ito para sa kanya.

Katunayan, para maging makatotohanan ang kanyang pagganap, nagsagawa siya ng sariling research ng nasabing historical icon.

“I’m glad na there’s a lot of materials available online. I also read this book, Aurora: Her Love and Her Works, then I had to base rin iyong character based on the accounts of people who had personal encounters with her. Iyong pagkakakilala nila sa kanya as a person, how she’s as a person na siyang binuo ko for myself,” kuwento niya.

Sa kanyang pagsasaliksik, marami rin daw siyang natutunan sa first lady ng unang pangulo ng Philippine Commonwealth.

“Empowered woman kasi siya from the beginning. I found out na even before she became first lady , she already fought for the rights of women to be able to vote. While she’s first lady, she also dedicated her life to public service. Para siyang si Mother Theresa. She’s also very active sa  Philippine National Red Cross where she became the first Chairperson. That’s why she’s called the Mother of Philippine National Red Cross,” pahayag niya.

Paliwanag pa niya, napapanahon daw na maikuwento ang buhay , hindi lang ng Ama ng Wika kundi ng asawa nitong si Aurora para magsilbing inspirasyon.

“It’s so timely and relevant, especially now that the world is so watak-watak and there’s so much division. There’s so much fighting and then comes this movie about love and how love triumphs over all and against all odds. Para bang after all, after this election and all division, people na nagkakagalit sa facebook o nag-u-unfriendan na, this is one instance na nagkaisa talaga ang country natin na bakit ba tayo makikialam diyan, but we have to because it’s the right thing to do,” paliwanag niya.

Bilang isang accomplished singer, nagbigay din siya ng payo sa mga baguhan na gustong magkaroon ng puwang sa music industry.

“I think, you should not stop exploring in finding ways on how to improve your craft more. There’s nothing wrong with having an idol and emulating or copying a voice icon, pero ultimately kailangang hanapin mo ang sarili mo. Dapat may sarili kang tatak, may sariling style na iyong-iyo lamang,” pagwawakas niya.

Sa “Quezon’s Game” nagwagi si Rachel ng excellence in acting award sa Worldfest Houston International Film Festival na ginanap sa Texas, USA.

Mula nang maipalabas noong Disyembre abroad, nanalo na ito ng 23 awards kasama na ang best director, best actor, best producer, best foreign film at best cinematography sa Worldfest, IndieFest Film Awards, Accolade Global Film Competition, Maryland International Film Festival , Ramsgate International  Film and TV Festival at REMI Awards.

Mula sa direksyon ni Matthew Rosen, first  time itong mapapanood locally sa mga sinehan simula sa Mayo 29.

Leave a comment