MASAYA ang Fil-Am bagets na si Hannah Nixon mula nang mapunta sa pangangalaga ng talent manager na si Jojo Veloso at maging talent ng Viva Artist Agency.
Ang talented na singer-actress ay nakagawa ng dalawang pelikula, ang Color Blind under Direk Ranze A. Cariño at ang Gusto Kong Maging.
Sa kanyang singing career naman, ang debut single niyang Mahal Na Pala Kita by coach Alrey Zamora ay available sa Spotify, Apple Music, and all digital platforms.
Bahagi ngayon si Hannah ng all-girl group ng Viva, ang MS1, na binubuo niya, Queen Gomez, Xandra Bonifacio, Jayrish Magallano, Ashantie Tolentino, at Farrah Pineda.
Ano ba ang meaning ng MS1?
Tugon ni Hannah, “The meaning of MS1 is kahit iba-iba ‘yung styles and aesthetics namin, we’re still together as a group. May boyish, may classy, may girly… all in one group!
“Our original name was Milkshake but we changed it to MS1 and the 1 (one), means togetherness.”
Nabanggit din ng magandang dalagita ang pakiramdam niya na isa na siyang ganap na Viva contract artist.
Wika ni Hannah, “Parang different po talaga, because before that ay freelance lang ako… like, before I didn’t do like any big projects, only indie lang lahat. Tapos mga mall shows lang…
“But now, nag-perform kami sa Viva Cafe… so, sobrang excited po ako at happy sa mga nangyayari now sa aking showbiz career.”
Ipinahayag din ni Hannah ang sobrang kaligayahan nang batiin siya ni Boss Vic del Rosario after ng performance ng kanilang grupo sa Viva Cafe.
Kuwento niya, “Yes po nag-congratulate po si Boss Vic, sinabi po ni boss Vic sa akin to continue ‘yung ginagawa ko and that he appreciates my performance and likes me po.
“Kaya super happy po ako sa comment niya, kasi I worked hard for the performance ng group namin,” masayang sambit pa ni Hannah.
Pahabol pa niya, “My strength is live performances po, kasi mas nag-e-enjoy ako kapag may audience and may fans.”
Kamusta ang acting workshop niya sa Viva?
Esplika ni Hannah, “I just graduated in Basic acting workshop! I enjoyed it so much, kasi I had such a good time with my classmates. It’s amazing how we made strong friendships in only one week and three days. We all learned so much from our teacher, Sir Jonathan Oraño.
“I hope to see sir Jonathan again for level 2 – aka Intermediate classes. I hope to learn more and to get better as an actress and artist,” masayang pakli pa niya.
